設計令人尷尬的生日卡......

謝謝大家的祝福和禮物

其實平平靜靜，見到大家已經好開心。

至於收到的書，不乏騎呢。

而格林童話絕對係有損我個人健康，因為我放左佢係廁所，而佢內容實在太無稽，無稽得太有趣，所以無啦啦去屙尿都變左腳痺甘出返黎……

d人叫我繼績畫wor.....畫囉。

純粹娛樂下自己

我的午餐--銅鑼燒

其實好大個呢~

我的晚餐-咖哩飯

作法：

步驟一：落樓下OK

步驟二：叮~

步驟三：擺Bunny King上檯

食得。

喂！慎防大家唔記得！我係度提醒一下大家，就係九月十號係我生日！

我知道我大部分朋友都非富則貴 非貧則窮

我亦都無咩特別想要，如果可以我希望大家送自己鐘意的書畀我，舊書都無所謂，最緊要好睇、有inspiration，最好係小說，唔好畀個D"如何人見人愛？"、"女人應該做什麼？"我。你可以唔送，但送的話請記住，你的書反映你個人啊~

呀，如果唔送書送面膜畀我都好，我一定有機會用~~

請大家為我美貌與智慧並重的征途加油！

多謝晒！！！

文字編輯的工作暫時完成了，現在輪到畫插圖

始終是替別人做，我會有點責任感，如果是為自己寫，為自己畫，因為緊張，因為懶，進度肯定會再慢十倍.......

我不知道什麼是風格，想到什麼就畫什麼好了，給家長和小朋友看的話，應該是這類型吧……況且我的智商跟本一直就停留在小白兔，小貓，小狗，小花花的層面……

我已經很久沒拿起木顏色了，平時教畫畫都係一味老點，原來已很久沒落手落腳畫……起初以為只是一些簡單的圖畫，沒什麼要求，但畫起來發覺也挺麻煩，然後就會想去睡覺，哈哈。

畫下畫下，就忽然想起畫十三點的李惠珍小姐。她真的好能幹啊，年紀都不少了，還學會用電腦繪圖，到現在還在畫呀畫，而且連衣服都是自己做……

  (好像上年影的，不記得了)

一個人找到自己喜歡的事就會孜孜不倦地做，怎樣也不覺得累吧？所以我覺得找到自己命中注定要做的事就是最大的幸福。

偏偏有時人很在乎別人的看法，例如我做每一件事前通常都會先想想這事在人家看來是否感覺良好，講得衰d就係貪慕虛榮，我喜歡人地覺得我叻我醒我勁，到頭來究竟自己想做什麼也不知道。

初中時我根本就不太讀書，只是後來不想被人看小才覺得一定要上大學，然後又想："如果要名的話就當然是港大囉！"所以又進了港大，其實我對知識有多渴求？我不知道。

也許是本來的我太脆弱，才總是需要外物來證明什麼

如果什麼也不理，我會作出什麼選擇？

這個問題很難答，因為那個我已在某年某日不知飄到哪兒去了

最近我找小學的東西來看，

原來我小時候的志願是做飛雲(魔神英雄傳個個)

飛雲唔係一個志願囉唔該=.=……甘都好意思寫出黎……

最近用了這幅相做桌面，好想再剪短少少D頭髮，再買件類似的衫學佢個LOOK

其實佢係一個我已經唔記得叫咩名的女作家   (見到幅相黑白應該即係死左)

我無睇過佢任何著作，暫時亦唔打算睇~   

純粹睇相覺得佢好正

今鋪係擺明膚淺

阿姐有深度左甘多年膚淺一次都得掛~

關如援交，關於o靚模

人們批評時下年青的女孩子貪慕虛榮，有些人甚至認為那個援交然後被人砍開幾十碌的女仔抵死。

當大人用手指指著這些女孩子罵的時候，卻似乎沒想過為什麼她們會這樣。

大人建立了一個消費為上的社會，整天都叫人買買買，好像人生除了買便沒事可幹，一切自我的價值都繫於不同的消費上。

成然後每逢某某嫁了有錢人便大肆報道，把嫁入豪門和完美人生掛上等號。

既然你們每天都向大眾灌輸這些價值觀，那些思想不成熟的小女孩不夠錢自然就會想辦法，出現這些"產物"又何足為奇？

(然後我又會想，但我是模特兒播，我不是資本主義社會中最有效叫人消費、鼓吹奢華的工具嗎？

@.@噢....................................!)

<<史迪仔之叛變>>

最近OK出了很多史迪仔產品，全部都很漂亮，價錢也很便宜，但我一件也沒有買，因為我覺得眼前的史迪仔太奇怪了。

尤其是尼路，為什麼由一個黑黑胖胖笨笨的夏威爾女孩變成了一個紮孖辮的潮女？！

不止是這批公仔，史迪仔近年變得越來越可愛，從前人們只會用 “好核突個隻野” 來形容牠，自從牠變得常常碌大隻眼又唔再擘大個口之後就連細路仔都鐘意佢(以前佢絕對係兒童不宜)

我不明白，史迪仔本來的故事不是說牠因外貌醜陋而又常好心做壞事而被人們拒絕的嗎？而牠的主人尼路也不是個典型的受歡迎女孩，總是被同學覺得思想行為古古怪怪。

雖然她和牠都不完美，但這正是他們可貴之處，因為他們即使常常遇到挫敗又被人看扁，但哭過後總會再努力面對，當中的爭扎很叫人感動嘛(感動過Hello Kitty 先啦)

可是！！！

現在的史迪仔成了什麼樣子！！簡直成何體統！！！！如果要可愛為什麼不找MARIE和HELLO KITTY！為什麼要郁我的史迪仔！！

我為此事打給MIRAN：

“史迪仔都算啦，尼路完全係整左容囉！”

“唔係，佢學MJ漂白左O者。”

“……………..”

係喎，個大鼻都無埋……甩左。

Miran話尼路應該死左，然後史迪仔游水去投靠左個日本妹WOR……

卡通都要整容，市場"真係重要囉唔該晒。

不過我最鐘意既其實由始至終都唔係史迪仔，而係實驗品625號三文治仔。

在此又要不厭其煩介紹一下，牠和史迪仔外貌相似，威力也相同，但牠其本上什麼也不做，只對整三文治和吃三之治有興趣，鯊魚船長本來想用牠來對付史迪仔，可是就算太空船就快撞，牠也只是”關切”地問：你食唔食三文治呀？

“連天使妹都受歡迎，三文治仔就由始至終都無人理佢。”

"所以未到而家都係甘既樣囉，呢D就係莊子話大樹無用之用得以存生啦。”

又係你o岩。

最近的相

我成件3都黃色都幾三文治仔呀~

因為在後台所以很多電掣

無疑地我應該算是比較悲觀的人，我常告訴自己要開懷一點，但最近實在有些當黑……. 先是被人捉衝紅燈，搭地鐵又常畀人CHECK八達通(似乎沒有人相信我是全日制學生，但我真的被捉到發脾氣了) 從學校圖書館借來的書又有五本不翼而飛(我明明放進了還書箱啊……) 

Anyway, 自己搬出來住都快要兩個月了，起初因為傢俱嚴重缺乏的關係很不習慣，而且又經常失眠，搞到常常要到樓下為午夜喝彩，媽媽來探訪後幫我添置了很多東西，現在好多了……父母果然是最偉大的！(雖然同時很囉嗦)

在這裡呼籲一下，大家如果有不要的微波爐、小雪櫃、家用電話、電視請送給我吧~~

住得久了，附近的人好像開始認得有我的存在，可能是因為我常常逛來逛去的緣故吧。我並不是太喜歡和陌生人交談，因為經驗所得好像很多陌生人都是既八掛又不懷好意，問三問四的尤其麻煩，為什麼要踩進別人的領域呢？

同埋點解最近d報紙雜志甘波濤胸湧既呢？！(雖然不嬲都有唔少) 著成點同d甫士唔講，我覺得出賣人地黎整緋聞博出位，扮去沙灘，扮走光個D未免太頂癮囉。其實我唔明白點解有D人十幾歲已經有甘既心腸，我個個年紀仲係學校跑足四層玩捉迷藏……另一方面如果一個品牌要靠各種低俗手法才能吸引人注意是不是有點失敗呢？計我話越靠呢D來宣傳的牌子越不要幫襯，身體力行對抗歪風！

我又結婚了~會場附近有些攤位推銷大妗姐服務呀、婚禮飾物呀、創意婚紗相等等，其中一個是新人卡通愛情動畫製作(盛惠九千蚊oY唔該) ，女人錢真係易賺(通常都係新娘最在意呢D野)……. 事實上大家去親飲通常都掛住聚舊、搭爹同埋想快D食野，最想睇套愛情動畫的相信只有個對新人……

我都係個句啦，雖然對新人黎講當然想個婚禮有幾GRAND得幾GRAND，但最重要都係之後個幾十年點相處，如果唔係就算畀你請到個星級攝影師，最後都只係第時半夜拿本相簿出黎喊。

六四燭光晚會的照片，相中反映李樂民完全是中國未來的希望。完。

 Another version

This time I would say: I am COOL~

haha, but better show my face more please (give me some respect!!!!!!!!!!)

I think I am kind of two-face person. I mean, first, when I back to church I look super "hea", then, of course cut off all the foul language. There is always a gap between what you want to achieve and what you have actually done.  But anyway I always strive to improve myself......

Another problem is that sometimes I find it hard to fit in. Seemingly this holy place is spilted  from reality, it's not easy to apply those principles and attitudes in real life, and at the same time it's difficult to share my burden with my church fellows......Too many things cannot be told. 

But whatever la , I still treasure my church a lot gei ~~ Love u all.

  唉~~~！由大學第一年開始最擔心既事終於發生！！我果然係衰係IT test 呢科全世界最不知所謂既野手上！！！又要再考！阻住人地放暑假.....我要畢業！畢業！畢業呀大佬！！！唔好甘對我啦老細......

我真係接受唔到囉...我身為一個甘出色既小朋友點會衰係d甘既野手上......

在Starbuck失落地飲咖啡睇報紙時忽然見到自己個樣....

望住自己個樣無咩感覺

惟一感覺係：呢-個-人-IT TEST-唔-合-格-！！

一路係電話同金金訴苦，甘arm又見到呢個人，都係個個感覺，就係：

呢-個-人-IT TEST- 唔-合-格-！！！

呀~~~~~~~~~~好~~~~唔~~~~~開~~~~~心~~~~~~呀~~~~~~~

仲有一份paper未做......Esther Cheng 話聽日再唔交就殺左我 (我自己幻想出黎既)

天呀~~~~~~~~~~~

唔得，係呢D甘重要既關頭，第一件事就係要訓陣覺先得.......

早抖。

影跳舞的相，跳得怎樣固然重要，但最重要是要把"那一刻"拿捏得穩吧......不用太複雜的舞步，總之要夠爆，而且不能表現臉容扭曲鼻孔擴張之類的樣子......

 例如呢個肢體perfect，個樣唔得就要繼績影影影影都得為止 (拿人家來做例子，真係唔好意思哈哈哈)

William好明顯已經熟能生巧，我係隔黎睇佢影自己係度滴汗: 甘我點呀大佬......

遲D未知囉

其實我很久也沒認真跳舞了(以年計oY唔該)，只是間中會玩玩

但今個禮拜終於返左去CCDC度上Micheal的堂

我應該有五年無見過佢了，佢都仲認得我wor！

五年前我應該還是個天真可愛的小朋友吧......現在是個陰陰沉沉的怪人

總之，流汗的感覺真好。 (前兩日先話唔好......)

每一種藝術去到某個層面可以令人有超脫現實，鎖住時間的感覺，例如在很專心看書、畫畫、寫東西的時候。本人的經驗主要是"筆馳"吧......不過當內心太多東西混雜的時候就不行了......總之只有敞開心靈，很投入很投入才能成就最美麗的藝術，技巧反而是其次。

oY我想講咩呢......對了，我想說老師很投入，所以跳得很好，所以我也路得很開心，完。